Paris, Hildesheim û Duisburg de bi şayîyan Roşanê Gandarbîyayîşî yê Hemleya 15ê Tebaxe ame fîrazkerdene. Şayîyan de mesajê geşkerdişê têkoşînî ameyî dayene.

Paytextê Fransa Paris de serkêşîya CDK-F û TJK-Fyî de 15ê Tebaxe ame fîrazkerdene. Şayîye de pankarta bi nuşteyê 'Ruhê 15ê Tebaxe, ruhê serkewtişî yo, 15ê Tebaxe fîraz bibo' ameye akerdene û fotografê Rayberê Şarê Kurdî Abdullah Ocalanî û alayê PKKyî ameyî akerdene. Dima girseyî mîtîngêk kerd. Qiseykerdişan ra dima mîtîng pê govende û sloganan qedîya.

Şaristanê Hildesheimî yê Almanya de Merkezê Komelê Demokratîkî yê Kurdan de şayîyêke ameye kerdene. Şayîye de qiseykerdişî ameyî kerdene, hunermendî vejîyayî sehne ser û deyîrî ameyî vatene. Şayîye de vera sloganê sey 'Şehîdî nêmirenî', 'Biciwîyo xoverdayîşê gerîlayan' ameyî vatene.

Şairstanê Duisburgî yê Almanya de zî şayîyêke ameye kerdene. Şayîye de eşkerayîya KON-MEDî ameye wendene û derheqê rojdemî de qiseykerdişî ameyî kerdene. Şayîye bi govendan qedîyaye.

Şaristanê Ishojî yê Danîmarka de zî bi wesîleya 15ê Tebaxe şayîyêke ameye kerdene. Şayîye de hunermendî Farqîn Azad, Ozan Biço, Hozan Figen û  Masum Dêrikî vejîyayî sehne ser. Kurdîstanijan şayîye de pê sloganan govende girewte û bi coşî serrgêra 15ê Tebaxe fîraz kerde.