Koln û Vîyane de kurdî  vera hêrişanê dewleta tirke yê vera Rojawanî vejîyayî kuçeyan Hemleya 15ê Tebaxe selam kerde.

Bajarê Kolnî yê Almanya de Merkezê Komelê Demokratîke yê Kurdan û Meclîsê Cinîyan ê Vîyane çalakîye organîze kerde. Çalakîye  ke pankartê ke hêrişê dewleta tirke şermezar kenê ameyî kiriştene û bi kiriştişê posterê Mahsum Korkmazî Hemleya 15ê Tebaxe ameye selamkerdene. Qiseykerdişan de bale ameye antene hêrişan dewleta tirke yê vera Rojawanî ser û ame vatene têna menga temmuze de 15 kesî ameyî qetilkerdene. Çalakwana veng da ke dewleta tirke ya endama NATOyî cade hêrişanê xo vindarno warê hewayî yê Rojawanî bêro qefilnayene.

Paytextê Avusturya Vîyane de zî Hemleya 15ê Tebaxe ameye selmakerdene û hêrişê îşxalî ameyî şermezarkerdene. Çalakwanan pankarto ser o Kurdî Rojawan de vera DAÎŞî şer kenê, dewleta tirke kurdan bombarduman kena nuşte kirişt û bale hêrişanê vera kurdan ser. Rayraşîyayîş de semedê wedaritişê qedexeyê vera PKKyî zî îmzayî ameyî arêdayene.