Şaristanê Marsilya yê Fransa de Partîya Çep a Keske weçînayîşanê 14ê gulane de rayê xo zêdînabî.

Vizêr Marsilya de Partîya Çep a Keske bi kombîyayîşêkî xebatê turê diyînî yê weçînayîşê serekkomarîye dayî destpêkerdene. Temsîlkarê Marignane, Toulouse, Draguignan, Montpellier, Bordeaux û Lyonî zî tewrê kombîyayîşî bîyî.

Kombîyayîş de ame vatene ke ''Ma tûrê diyînî de bi îqtîdarê AKP-MHPyî yê faşîstî bidê binvistene.''

Kombîyayîş de bire dîyaye ke komîteya weçînayîşê 14ê gulane do karanê xo rê dewam bikera û komîteyanê dew, qeza û şaristanan reyde komîteyê herêmîyî zî ronîyê. Nê komîteyî do keye bi keyeyî bigêrê. Netîceya kombîyayîşî de bire dîyaye ke masaya krîzî zî bêra ronayene û seba ke weçînitoxan berê serê sindoqan wesayîtî bêrê eyarkerdene.

Kombîyayîş de ame parekerdene ke kêmasîyê turê yewinî bêrê raştkerdene û bi motîvasyonêkê xurtî karê turê diyînî wa bêrê kerdene.

Marsilya de weçînitoxî eşkenê ke roja şemeyî ra heta roja sêşemeyî serê sibayî saete 8.00 ra heta şanî 22.00 raya xo bidê.

Kombîyayîş bi şîarê 'Ma do qetî ser bikewê' qedîya.