Şaristanê Newport ê Gallerî yê Şahanşahîya Yewbîyayî de bi wesîleya serragêrayîşê PKKyî yê 40. aktîvîteyêk amî viraştene.

Kurdistanijî û dostê înan tewrê aktîvîteya ke Hozan Kawa, Alî Sîzer û Hozan Sosine deyîrê xo pêşkêş kerdî bîyî. Hemserekê Meclîsê Şarê Kurdî yê Brîtanya Ercan Akbalî qiseykerdişê xo yê aktîvîte de Leyla Guvene ke grev de ya silam kerde û waşt ke tecrîdê serê rayberê şarê Kurdî Abdullah Ocalanî tavilî wedarîyo.

OSLO

Serragêrayîşê awanbîyayîşê PKKyî paytextê Norwecî Oslo de zî ame pîrozkerdene.

Aktîvîte de Beytocan, Bengîn Agirî, Ergîn Xelîkan û Welat Kobanê sehne de ca girewt.

Şewe de sînevîzyonêk derheqê serra 40. ame ramotene, sîyasetkaro Kurd Celalettîn Delîbaşî derheqê muhîmîya roje de qisey kerd.

Delîbaşî bale ante sîstemê Îmraliyî û vat ke “peyê komploya mîyanneteweyîye de kamcîn hêz esto, peyê tecrîdî de zî heman hêz esto.”

Aktîvîte de seba Heyva-Sorî pereyî ameyî arêdayene, aktîvîte bi slogananê “Bijî Serok Apo” qedîyaye.