Rayberê Şarê Kurdî Abdullah Ocalan 22 serrrî yo binê tecrîdê giranî de yo.  100 ra zafêr zîndanan de vera tecrîdî û binpaykerdişê heqanê tepişteyan 27ê teşrîna peyêne de grevê vêşanîyo ke dest pêkerd roja 99. de yo.

Îdarekara Komeleya Huqûqnasanê Seba Azadîye (OHD) ya Amedî Uzume Vurgun tecrîdê serê Rayberê Şarê Kurdî Abdullah Ocalanî ajansê ma rê ercna.

Vurgune vist vîrî ke tecrîd eslê xo de goreyê Qanûnê Bingeyî sûc o la rixnê nayî yeno caardene û vat: ''Tecrîdo ke 22 serrî Îmrali de yeno caardene ewro her cayê welatî ra vila bîyo. Grevê vêşanîye vera na neheqîye yew vengdayîş o. Pê tecrîdê vera Abdullah Ocalanî heme komelî rê îşkence yeno kerdene. Eke tecrîd bêro wedaritene problemê ekonomî yeno çareserkerdene, şer qedîyeno haştîye yena. Têna şero leşkerî nê sîyasî, îdeolojîk heme waran de şer qedîyeno.

Şexsê Abdullah Ocalanî de şarê kurdî û heme şaranê Tirkîya rê tecrîd yeno caardene. Îqtîdarî bedilyayî la ewnîyayîşê vera tecrîdî nêbedilya. No tecrîd teberê merdimîye yo.Tecrîd sey cinayetê bêvengî yo. 22 serrî ra nata pê tecrîdî yeno cehdkerdene ke îdeolojîyêk, ruhêk û mantikêk bêro merdene. Abdullah Ocalan vano 'Bedenê mi zîndan de yo la ruhê mi tîya nîyo'  22 serrî yo rixmê heme îşkenceyan no ruh îdeolojî nêameyî letekerdene.

Hîkayeyanê Koreya Başûre û Fransa de seba tecrîdî vanê 'Tecrîd îşkeceyo ke delîl û rêçê ci çîn ê yo' tecrîd de merdim vengê xo xo vîr a keno. Eke qanûnî bêrê caardene tecrîd qedîyeno. Seba ke yew dewete ra vajê qanûnanê xo bîyarê ca grevêna vêşanîye yê tewr nizdîyana de 8 ganan xo feda kerd û xesarê pîlî ameyî meydan. Hemwelatîyê dewletêke seba ke vanê qanûnê xo bîyarê ca mirenê. Xora têna tepişteyî nê keyeyê înan zî îşkence ancenê. Dayîkî seba ke wayîrê qijanê xo vejîyayî erdî ra ameyî kaşkerdene.

22 serrî yo ma hîkayeya cinayetî seyr kenê.  No pê destê dewlete û hukmatî yeno kerdene. Komara Dewleta Tirke nika cînayet kena. Dewleta tirke pêkerdişê mîyanneteweyî ke binê ci de morê ci esto binpay kena. Abdullah Ocalanî vat 'ez eşkena têna bi yew cumla şerî biqedenî' ma wextê çareserî dî gonî vinderte. Hemwelatijî û huqûqnasî vanê ke qanûnan bîyarê ca.

CPT zî têna vano tecrîd esto la semedê wedaritişê ci çîyêk nêkeo. Ma her roje zîndanan de îşkence vînenî. Xora îşkexeyo sey janî zî esto . Rewşa tepişteyan ke pîya bi prosesê pandemî hîna xirab bîye badê grevê vêşanîye xirabêr bîye. Ma veng danê CPTyî ke wa wezîfeyê xo bîyaro ca. Tecrîd nê welatî de vera her kesî yeno caardene. Coka ganî her kes vera tecrîdî mucadele bikero.''