Bado ke cezaya Wekîlê Partîya Demokratîke ya Şaran (HDP) yê Kocaelî û Endamê Komîsyonê Cipêrsayîşê Heqanê Merdiman ê Meclîsî Omer Faruk Gergerlîogluyî hetê mehmekeya berze ra ameye qebulkerdene avûkatê ci Kerem Altiparmakî muracatê Mehkmeya Qanûnê Bingeyî kerd.

Muracat de ame vatene ke fezleke sîyasîyî yê û ame waştene ke wa goreyê qanûnê Mehmkemeya Heqanê Merdiman a Ewropa (MHME), Pêkerdişê Heqanê Merdiman ê Ewropa (PHME) û Mehkemeya Qanûne Bingeyî (AYM) bêro têgêrayene. Vatişname de ame vatene ke yew wekîl û pawitoxê heqanê merdiman seba ke zere ya zî teberê parlamento de merdimremnayîş, cigêrayîşo rût îşkence û binpaykerdişê giranî yê heqanê merdiman ê winayênî ardî ziwan bîyo hedefê îqtîdarî.