Wekîlê HDPyî yê Kocaelî Omer Faruk Gergerlîogluyî Meclîs de kombîyayîşê çapemenîye kerd.

Gergerlîogluyî pare kerd ke semedê eşkerayîya ci ya Garê ra o yeno hedefkerdene û cezaya ci ya 2 serran û 6 mengan hetê mehkeme ra ameye tesdîqkerdene.

Gergerlîogluyî da zanayene ka na bire sîyasî ya û vat: ''Pêro komel, sîyasetmedar û huqûqnasî zanenê ke na bire sîyasî ya. Ez semedo ke vera binpaykerdişanê heqanê merdiman xo ver dana yena cezekerdene. La ez do têkoşînê xo dewam bikera û sereyê xo nêarê war. Na bira ceza skandal a. Bi serran o kurdan rê neheqîye yena kerdene mi vat ke wa na mesele çareser biba. ''

Gergerlîogluyî bira derheqê Enîs Berberlîogluyî de  viste vîrî û eşkera kerd ke ê do muracatê Mehkemeya Qanûnê Bingeyî bikerê.