Kadîr Yildizo ke dewaya Partîya Komunîstî ya Maoîste (MKP) ra Hepisxaneyê Tîpê F’yî yê Hûmara 2’ine ya Kandira de yo, mektubêk şawite û da zanayene ke dest bi grevê vêşanîye yê 10 rojan kerdo. Yildiz, hemsereka KCD'yî ya Leyla Guven a ke 110 rojî yo grevê vêşanîye de ya silam kerde û vat, “Ez wazena ramojnî  ke wayîrvejîyayîşê grevê vêşanîye wezîfêko şorigmrî yê ma sosyalîstan o.”

Yildizî vat, “Ma kotî de benê wa bibê ma nêeşknê vera nê xoverdayîşî bêveng bimanê. Her wareyan de ganî bi tewirê çalakîyan ê cîya cîyayan ma berpirsyarîya xo ya şorişgêrî bîyarê ca. Ganî ma wayîrê çalakîya grevê vêşanîye ya ke 100 rojan ra derbaz bîya bibê.” Girewteyê dewaya MKP'yî da zanayene ke, ey 20'ê Sibate ra nat dest bi grevê vêşanîye kerdo û o do grevê vêşanîye 10 rojî bînî dewam bikero.