Seba wedaritişê tecrîdê serê Rayberê Şarê Kurdî 282 girewteyî zîndanan de 45 rojî yo grevê vêşanîye yê bêdem û bêagêrayîş de yê. Sadettîn Yaşar, Tûran Gunana û Mesût Atiş ê ke Hepisxaneyê Tîpê Fyî yê Hûmara 2’yê Kandira de yê , 17’ê Kanûne de dest bi grevê vêşanîye yê bêdem û bêagêrayîşî kerdîbî, bi rayîrê keyeyanê xo mesajêk şawit.

‘RAYBERÎ VENGÊ MERDIMÎ YA’

Mesajî de seba Ocalanî ame vatene ke, “Rayberî zerrîya Kurd û merdimî ya”. Mesajî de nê  ameyî vatene:

“Rayberî 20 serrî yo ke cenemê Îmaraliyî de çarmixî de yo. Ma êdî bes nêyo? Ma do heta key nê zulmî û zulmkarîye qebul bikerîme. Rayberî azadî ya, vengê azadîwaştoxan o. Hêzê emperyalîst û kolonyalîstî wazenê ke vengê Rayberî bibirnê, la ganî xo vîr a nêkerê ke Rayberî ruhê Kurdistanî yo. Seba naye zî mesajê ma no yo ke, Rayberî ra wayîrvejîyayîş wezîfeyê ma yo.

Ma bi qerarîya xo wazenîmê nê çiyî bidîme bewlîkerene. Heta ke Rayberî warê fîzîkî de azad nêbo, ma do xoverrodayîşê xo bikerê mûme û ma do rayîrê şarê xo roşin bikerê. Bedelê ney çi beno wa bibo, vatişê ma no yo ‘Ya azadîya Rayberî, ya zî azadîya Rayberî.’ Ewro ganî ma pêroyê dinya ra bivajîme ke ma cuya bê Rayberîye qebul nêkenîme. Ewro roja wayîrvejîyayîşê cuya pîyaciwîyayîşî ya. Roja Rayberîye ra wayîrvejîyayîşî ya.

Ma venga pêroyê şarê kurdî, azadîwaştoxan û keyeyan danîme. Ma adirê mûm a ke hepisxaneyan de ameya tafîştene, bi xoverrodayîşê xo gur bikerîme. Ganî ma ê adirî bikerîme gur ke pêroyê dinya roşin bikero.”