Girewteyê Hepisxaneyê Tîpê T’yî yê hûmara 2’in yê Şakranî yê Îzmîrî de, Mehmet Yavûz, Necdet Kaya, Cengîz Dogan û Abdulbarî Yildirimî derheqê çalakîya xo de bi rayîrê keyeyanê xo peyam şawit.

Girewteyan peyamê xo de vat, “Ma sey wendekar û fedaîyê Rayber Apoyî şa yê, aram ê û bimoral ê. Çunke game bi game ma ver bi azadîye şinê. Tu kesêk nêeşkeno ma rayîrê azadîye ra dûrî bikero. No xoverdayîşê ma yo pîroz ancax bi vengo gur, biheybet ê Rayberê ma yeno qedênayene. Heta ke ma nê vengî nêheşnê, wa qumanê kesêk ci ra çin  bo ke ma do nê rayraşîyayîşê xo yê pîrozî dewam bikerê. Mehmet Durak, Nîhat Ekmez, Ramazan Atabey, Yakûp Guneş û Tanjû Yildirim 26’ê Kanûna 2018’î ra nata dest bi grevê vêşanîye kerdo, moralê înan baş o, bi coş ê û teyna tayê kîlo vîndî kerdo. Ma heme keyeyan û şarê xo yê rûmetdarî ra wazenê ke veng bidê nê rayraşîyayîşê ma yê pîrozî yê azadîye.”