Seba azadîya Rayberê Şarê Kurdî Abdullah Ocalanî û çareserîya meseleya kurdan şaristananê Vakurê Kurdîstanî de di baskan ra Rayraşîyayîşê Azadîye yo Pîl yeno kerdene.

Baska Wanî ya Rayraşîyayîşê Azadîye yê Pîlî vizêr roja 7ine de qezaya Cizîre ya Şirnexî de bîye. Girseyê rayraşîyayîşî Goristanê Asrî ra heta Goristanê Yafesî bi sloganê ''Şehîd namirin'' rayraşîyayîş kerd.

Girseyî gorê Cemîle Çagirgaya 10 serrîya ke wextê qedexeyê tebervejîyayîşî de amebî qetilkerdene û gorê Orhan Doganî zîyaret kerdî. Girseyî duayî wendî û serê goran de qeranfîlî nayî ro.

Wekîlê DEM Partî yê Amedî Cengîz Çandarî tîya de ard ziwan ke ê seba azadîya kurdan û haştîya Tirkîya nê rayraşîyayîşî kenê. Çandarî ard ziwan ke bêvengkerdişê Abdullah Ocalanî yeno a mana ke Tirkîya ser de tarîtîye est a. Çandarî vat: ''Ma soz danê ke heta ke biresê armancê caardişê haştî û azadîye nê rayraşîyayîşî rê dewam bikerê.''

Zîyaretê goran ra dima Raywananê Azadîye keyeyan de kombîyayîşê şarî kerdî.