Serekê Komeleya Heqanê Merdiman (ÎHD) a Anqara Fatîh Kanatî derheqê grevê vêşanîye yê tepişteyan de ANFyî rê qisey kerd. Grevê vêşanîye yê tepişteyan vera tecrîdê Îmraliyî û binpaykerdişê heqanê merdiman 127 rojî yo dewam keno.

Kanatî vat: ''Merdimê ke înan rê neheqîye ameya kerdene wazenê wa dewlete qanûnanê xo bîyara ca, goreyê peymananê mîyanneteweyîyan têbigêra. La dewlete goreyê qanûnan tênêgêrena merdiman pê endamîya rêxistina terorî sûcdar kena û erzena zîndan. Tepişteyan pê waştişê caardişê qanûnan grevê vêşanîye da destpêkerdene. Grevê vêşanîye roja 127. de bi hawayêkê krîtîkî dewam keno.''

Kanatî vist vîrî ke tepişteyî wazenê wa tecrîdê Îmraliyî biqedo û heqê înan nêrê binpaykerdene. Kanatî vat: ''Dewlete babeta tecrîdî de zî bi hawayêkê îlegalî têgêrena. Eke dewlete qanûnanê xo bîyara ca û dezgeh û rêxistinanê xo de zî şaşîyan raşt bikera, tecrîd wedarna, polîtîkaya teda ra fek vera bida grevê vêşanîye qedîyeno.''