Grevê vêşanîyê yê vera tecrîdê serê Rayberê Şarê Kurdî Abdullah Ocalanî  ke Strasbourgî de yeno viraştene roja 12. de yo. Zîyaretkarê çalakwanan her roje zafêr benî.

Çalakîya de 27ê Kanûne de bi eşkerayîya çapemenîye dest pêkerd û xeylî temsîlkarê dezgeyan û parlamentera HDPyî Dîlek Ocalane zî tede 15 kesî tewrê ci benî, ci rê eleqedarîya girde esta. Roja verêne ra her roje bi seyan kesan çalakwanî zîyaret kerdî.

Bi sebebo ke heme muracatê pêdîyayîşî yê avûkatan û merdimanê Ocalanî yenî redkerdene. Çalakwanê grevê vêşanîye bi çalakîya xo vanê  ke CPT ganî rolê xo bica bîyaro, veng bido vengê mîlyonan û Birêz Ocalanî zîyaret bikero. Çalakwanan vat ke ma semedê wedartişê tecrîdî û vindarnayişê hêrişanê serê Kurdan dest bi çalakîye kerde û çalakîya ma do heta bicaardişê waştişanê ma dewam bikero. Çalakwanan bi qerardarîya pîle  ard ziwan ke ê do bi îradeya girde tecrîd bişinê û ser bikewê.