Grevê vêşanîye yê hemverê tecrîdê serê Rayberê Şarê Kurdî Abdullah Ocalanî ke şaristanê Hannoverî yê Almanya de amebi destpêkerdene roja xo ya 2ine de yo. Îdareyê Eyaletî yê Die Linke ra Lars Leopold û Kurdistanijî şî serdanê çalakîya ke bi şîarê "Ma tecrîdî bişiknê, faşîzmî birijnê, Rayberîye azad bikerê" banê Die Linke de yena viraştene.

Çalakwanê ke Hannover de bî Leyla Guvene silam kerde, hêrişê dewleta Tirkî ye serê Mexmûr û Şengalî û bêvengîya CPTyî ya hemverê tecrîdê Îmraliyî protesto kerdî.

'MA DO RAVÊRÊ BI ÇALAKÎYANÊ BÊDEMAN'

Çalakwanan bale ante ke "Ocalan yeno manaya îradeyê Kurdan" û hîşyarîyêka winayêne kerde "Eke Rayberîya ma nêreso azadîya xo ma do ravêrê bi çalakîyanê bêdeman."

Çalakwanan heman wextî de vat: "Ganî ma hemverê na dîktatorîye de tîk vinderê. Çi Kurd, çi Ereb yan zî çi Tirk ganî ma heme hemverê nê de serre wedarê" û bale ante ke rejimê Erdoganî zirar dano Muslumanîye ro zî.