Grevê vêşanîye yê Hildesheimî roja 4ine de yo
Hildesheim de çalakîya grevê vêşanîye ya ke seba wedartişê tecrîdê serê Rayberê Şarê Kurdî Abdullah Ocalanî yena viraştene, dewam kena.
Grevê vêşanîye ke 3ê Kanûne de bajarê Hildesheimî yê Almanya de dest pêkerd, hetê hetanê cîya cîyayan ra yeno zîyaretkerdene.
Çalakîya ke ci rê zaf eleqedarî esta, vizêr hemserekê KCDK-Eyî Yuksel Koçî zî zîyaret kerd. Koçî vat ke tecrîdê serê Ocalanî vera heme kurdan yeno kerdene û waşt ke wa pêroyê kurdî hemverê tecrîdî de reaksîyon ramojnî.
Vervatoxa TAJÊ Xanê Agale zî bale ante grevê Guvene ser û va: ‘‘Ez roşnayîye û xoverdayîşê Guvene ke aye vera zulm û dîktatorîye dana, silam kena.‘‘
