Grevê vêşanîye ke semedê wedartişê tecrîdê serê Rayberê Şarê Kurdî Abdullah Ocalanî bajarê Strasbourgî yê Fransa de vernîya Parlamentoya Ewropa (PE) vizêr bi 250 kesan dest pêkerd ewro bi tewrbîyayîşê 326 kesan dewam kerd. Çalakwanî hetêk ra bi sloganan bêvêngîya şermezar kene û hetêk ra bi deyîran û govendan qerardarîya xo ramojnênê.

Çalakîya ke xeylî dezgeh û welatan ra bi seyan kesî tewrê ci bîyî zafê înan ciwan ê û bi qerar û coşê yena domnayene. Bi nameyê Komîteya Hadreyîye hunermend Hozan Sexîthan  qisey kerd û bale ante  muhîmîya çalakîye ser û waşt ke xoverdayîş bêro girdkerdene.

Merdimê çalakwananê Strasbourgî yê ke kewtê roja xo ya 100.  û birayê  Zehra Saglam a ke çalakîya fedaîye viraştebî  zî tewrê çalakîye bîye. Bi nameyê keyeyanê şehîdan Şengê Kahramane semedê xurtkerişê mucadeleyî veng da û vat ke ma do  dormeyê Rayberîye de adir ra çember bo û tecrîd bişiknê. Ame vatene ke Parlamentoya Ewropa ra heyetêk ewro do Komîteya Hadreyîye ya çalakîye de pêvînayîş virazo.