Çalakîya grevê vêşanîye ya ke hetê tepişteyanê PKK û PAJKîyan ra seba wedartişê tecrîdê serê rayberê şarê Kurdî Abdullah Ocalanî amîbî destpêkerdene dewam kena. Çalakîya tepişteyan ke 27ê Teşrîna peyêne re dest pêkerdebî hetê grûba hîrêyine ra amî dewrgirewtene.

Hayîdarîyê derheqê grevê vêşanîyan ê ke tayê zîndanan de dewam kenê wina yê:

ÎZMÎR

* Tepişteyê ke Zîndanê Girewteyî yê Tîpê Fyî yê Kiriklarî yê 1. û 2. de bî sey 3 kesî dest bi grevê vêşanîye kerdibi. Peynîya roja desine de grûba 3. ewro dest bi grev kerd.

* Cinîyî yê tepişteyî ke Zîndanê Girewteyî yê Cinîyan ê Şakranî de yê her koxuşe ra 1 kes pêro pîya 4 kesan grevê vêşanîye dewr girewt.

*Zîndanê Şakranî yê Tîpê Tyî yê 1. de 2 kesan dest bi grevê vêşanîye kerd.

* 18 tepişteyanê sîyasîyan ê ke Zîndanê Şakranî yê Tîpê Tyî yê 3. de manenê 12 kesan grevê vêşanîye yê bêmawe û biagêrayîşî temam kerd, 6 kesan ewro dest bi grevê vêşanîye kerd.

* Zîndanê Şakranî yê Tîpê Tyî yê 2. de grûba 3. ya bi des kesan dest bi grevê vêşanîye kerd.

* Zîndanê Şakranî yê Tîpê Tyî yê 4. de ke bi grûbanê 5 kesan dest bi grevî kerdibi do bi 5 kesan dewam bikero.

* Zîndanê Girewteyî yê Menemenî yê Tîpê Tyî de 3 kesan dest bi grevê vêşanîye kerd.

* Zîndanê Odemîşî de 50 tepişteyê ke 3 koxuşan de yê înan ra 4 kesan dest bi grevê vêşanîye kerd.

DENÎZLÎ

Grevê vêşanîye Zîndanê Girewteyî yê Denîzlîyî yê Tîpê Tyî de bi yew cinî ya tepişteye dewam keno.

AYDIN

Zîndanê Girewteyî yê Soke yê Tîpê Tyî yê Aydinî de bi grûbanê 2 kesan grevê vêşanîye dewam keno.

BALIKESÎR

* Zîndanê Girewteyî yê Bandirma yê Tîpê Tyî yê 1. de her koxuşe ra 6 kesan dest bi grevê vêşanîye kerd.

* Cinîyê tepişteyî yê sîyasîyî ke Zîndanê Burhanîye yê Tîpê Tyî de manenê bi agêrayîşî grevê vêşanîye bi yew kese domnenê.

Zîndanê Kepsutî yê Balikesîrî de 3 tepişteyan grevê vêşanîye dewr girewt.

MANÎSA

* Tepişteyanê sîyasîyan ê Zîndanê Girewteyî yê Manîsa yê Tîpê Tyî ra 2 kesan dest bi grevê vêşanîye kerd.

DÎLOK

* Davut Cankul, Yusuf Karaaslan, Rêkar Kawa Huseyîn, Alî Karakaş û Îskender Yalçino ke Zîndanê Dîlokî yê Tîpê Hyî de yê dest bi grevê vêşanîye kerd.