Vervatoxa HDPyî Ebru Gunay merkezê pêroyî yê partîya xo de kombîyayîşê çapemenîye kerd û rojdem ercna.

Qiseykerdişê Gunaye ra beşêk wina yo:

''Terteleyê Dêrsimî de ziwan, bawerî û kulturê şarî ameyî hedefkerdene û bi des hezaran merdimî ameyî qetilkerdene. Terteleyê Dêrsimî îsbatê asîmîlasyon, înkar, dişmenîya vera şarî yê. Hema zî nê polîtîkayê înkar û asîmîlasyonî dewam kenê. Ma nê o dej ne zî têkoşînê estbîyayîşî yê şarê Dêrsimî xo vîr a kerd. Ma kenê ke pê têkoşînê xo vîrameyîşê qurbananê Terteleyê Dêrsimî bipawê. Heta ke raştîyî bêrê roşnîkerdene û mesuldarî hesab bidê têkoşînê ma do dewam bikero.

Şar mabênê jan û vêşanîye de verê xo dano xokiştişî. Pê hêrişê vera HDPyî verê ney yeno girewtene. Îqtîdaro qels seba bekaya xo hêrişê ma keno. La ma hîna bihêzêr benê. Eke dermanê jehrê faşîzmî demokrasî yo dermanê jerê AKP-MHPyî zî HDP yo.

Qeyûman şaredarîyê ma kerdî veng, talan kerdî. Îqtîdarî dizdîye ra semed seba  qeyûman  qeyûmanê kontrolî tayîn keno. Îqtîdar verî meseleyanê şaredarîyanê xo çareser bikero.

Polîsî pê copan û gazê îsotî camîyan de hêrişê şarî kenê. Seba îqtîdarî ê kesê ke sey ci nêfikirîyenê camî de zî bibê, waranê 1ê Gulane de zî bibê hedef ê. La wa ney xo vîr a nêkerê; HDP do muxalefetê demokratîkî ra fek vera nêdo.

Îqtîdarî reyna vera waranê Herêma Kurdîstanî hêrişî dayî destpêkerdene ke nê hêrişî can û malê kurdan rê gef wanenê. Kurdî pê zorî dîyenê koçkerdene. Herêma tampona ke yeno waştene Efrînî ra heta Qamişloyî, Şingalî ra heta sînorê Îranî bêra awankerdene sebebê ci dişmenîya vera kurdan a. Ma referandumê Kurdîstanî de na dişmenîye dîye.

Ez venga şarê kurdî dana ke wa yewîya xo awan bikerê. Ez venga Îdareyê Herêma Kurdîstanî dana ke wa hacetê polîtîkayanê 'pê destê kurdan şerê vera kurdan' nêbo, destkewteyanê xo nêkero qurbanê hemkarîyanê herêmîyan.

Nê bombardumanê vera kurda, koçkerdişê kurdan û cenazayî kurdan rê fayde nêkenê. Nê krîzê ekonomîkî de xizanî do faturaya şerî bidê. Wextê Proesesê Çareserîye de her hetê komelî bibî rehet. Ma eşkenê pîya cuya azade awan bikerê. Îqtîdar coak hêrişê vengê haştîye keno.

Abdullah Ocalan 22 serrî yo binê tecrîdî de yo. Her ke Birêz Ocalan qala modelê çareserîye, xerîtaya çareserîye bikerê tecrîd yeno girankerdene. Çunke ê wazenê meseleya kurdan û meseleyê Tirkîya nêrê çareserkerdene. Ewro tecrîd resa astêka tehlukeyîne û girane. Ocalanî pêvînayîşê peyênî yê telefonî de vat 'Dewlete şaşîye kena.' Dewlete û îqtîdar na şaşîye de israr kenê.

Pê tecrîd, dek û dolaban şim nêeşkenê îdareyî rê dewam bikerê. Şima têna eşkenê şer giran bikerê û bira komelî biherimnê. Ma reyna vanê û do tim vajê. Pê na wesîle goş bidê vengê tepişteyanê ke 162 rojî yo xo ver danê, na xeletîye ra abigêrê, beranê Îmraliyî abikerê.''