Rayberê Şarê Kurdî Abdullah Ocalan o ke Îmrali de binê tecrîdê giranî de yo 25ê adara 2021 ra nata tira xebere nîna girewtene.

Hemserekê DBPyî yê Amedî Mehmet Şirin Gubuzî vat: ''Îqîtdarê AKP-MPyî yo ke bi kaos û krîzan xo weye keno bi çînhesibnayîşê şaran û tay waştişanê heqdaran nêvînayîşî keno ke tay prosesan xo dima verdo. Birêz Abdullah Ocalanî ra 40 mengî yo xebere nîna girewtene. Têna Îmrali nê pîya bi Birêz Abdullah Ocalanî pêro şarê Tirkîya binê tecrîdî de yê. Îqtîdar vera waştişanê heqdaran ê şarê kurdî dirîyîye keno. Hinî wextê qiseykerdişê azadîya Abdullah Ocalanî yo. Ganî her kes berpirsîyarîya xo bîyaro ca.

Ewro her hetê dinya de şarî wazenê wa tecrîd bêro wedaritene. Nê waştişî nêvînayîşî ra yenê. No zî kaosî xorîyêr keno. Ganî heme şarî û partîyê sîyasîyî şertanê tecrîdî rojdem de tepişê. Ganî şertê pîya ciwîyayîşê komelî berê afirnayene. Heme problemê Tirkîya pabesteyê tecrîdî yê.  Heta ke tecrîd mero wedaritene ke şer û kaos dahîna benê xorî. Ez tîya ra veng dana heme şaran; ma pîya nê tecîrî bişiknê.  Ganî tecrîdê serê Birêz Ocalanî bêro wedaritene.''