Wekîla HDPyî ya Amedî Semara Guzel derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Guzele da zanayene ke tecrîd têna polîtîkaya Tirkîya nê polîtîkaya mîyanneteweyî ya û vat: ''Peymana Washingtonî Birêz Ocalanî sey astengêkê tewr pîlî vînena. Tirkîya gardîyanîya tecrîdî kena. Armancê tecrîdî dîzaynê Rojhelatê Mîyanênî yo. Tecrîd hînî pêro welatî de yo. Grevê vêşanîye yê zîndanan zî ho dewam keno. Îmrali de pêvînayîşê avûkat û keyeyan, radyo, rojname û TV qedexe yo. Nika nê çîyî pêro zîndanan de qedexe yê.

Ganî CPT bi hawayêkê sîstematîlî zîndanan ra bigêro, raporan amade bikero û şoro Îmrali. Nê prosesê janî de qesawetê serê Îmraliyî zî xeylêk zêdîyayî. Ganî Birêz Ocalan tim bieşko keye û avûkatanê xo bivîno. Tirkîya bi nê hawayî qanûnanê xo binpay kena.''

Guzele peynîya qiseykerdişê xo de ard ziwan ke mabênê tecrîdê Îmraliyî û polîtîkaya şerê taybetî de eleqe esto û vat: ''Tecrîd têna hetê Tirkîya ra nê hetê hêzanê mîyanneteweyîyan ra zî yeno caardene. Rojawan pê fikranê Birêz Ocalanî ronîya. Nê fikran DAÎŞ çin kerd. Na cuye pêro Rojhelatê Mîyanênî de do bêra awankerdene û hêzê hegemonîkî do bin şorê.''