Vervatoxa Meclîsê Cinîyan ê DEM Partî Halide Turkoglu Merkezê Pêroyî de kombîyayîşê çapemenîye kerde, derheqê hazirîyanê 8ê adare zanayîş da û rojdemê cinîyan erjna.

Halide Turkogu Roja Ziwanê Dayîke fîraz kerd û vat, ''Seba ke na herre de qet kulturêk û ziwanêk vîn mebo ma do têkoşînê xo bidomnê. Vera qedexeyê serê kurdkî ez zî tîya ra vana ke ''Zimanê me rûmeta me ye'' Ma sey vizêrî ewro zî do vera qedexeyan etbîyayîş, ziwan û kulturê xo bidê domnayene.''

Halide Turkogu nê vatî: ''Rojedemê cinîyan zelal o. Rojdemê ma semedê çareserîya demokratîke ya meseleya krudan wedaritişê tecrîdê serê Birêz Ocalanî yo. Birêz Ocalan temînatê haştîye yo. Têna welat de pêroyê Rojhelatê Mîyanênî de bi paradîgmaya xo rayîrê azadîye mojneno. Caardişê na paradîgma karê cinîyan o verên o. Rojdemê cinîyan şiknayîşê tecrîdê Îmrali yo.

2023 de 315 cinîyî ameyî qetilkerdene. Aşma verên a serre de 31 cinîyî ameyî qetilkerdene. Cuya nê cinîyan hetê camêrdan ra ame çînkerdene.  Nê mergî rîyê polîtîkaya îqtîdarî ya dişmenîya cinîyan ra qewimîyenî. Na polîtîkaya şerê taybetî ya. Roje roja zafêr rêxitinbîyayîşî ya. Eynî wextî de roje roja hesabpersayîşî ya. Ma cuyeya xo însafê îqtîdarî rê nêverdenê.

Ma bi şîarê ''Her Dem Têkoşîn, Her Dem Azadîye'' hazirîya 8ê adare kenê. Xeylêk cayan de aktîvîteyanê ma dest pê kerd. Ma xeylêk cayan de plankerdişê merkezî kerdî. Na çarçewe de;

1ê Adare de ma do Êlih de ke Rovelate  tîya dinyaya xo bedilnaye, cinîyê ke netîceya şîdetê dewlete de ameyî qetilkerdene, ma do înan yad bikerê.

2ê adare de ma do  Anqara de  hem startê 8ê Adare hem zî yê kampanyaya Gultane Kişanaka sînayîye bidê.

Ma do nobetanê edaletî yê ke serkeşîya dayîkan de ameyî destpêkerdene ke wazenê bibê vengê tepişteyanê sîyasîyan, zîyaret bikerê û vajê waştişê dayîkan waştişê ma yo.

5ê adare de ma do Semsûr  de cinîyê ke konteyneran de ciwîyenê zîyaret bikerê û paştîdayîşî pîl bikerê. Ma do vajê paştdayîş dano ciwîyayenê.

8ê Adare de bi tewrbîyayîşê Hemsereka ma Tulaye Hatimogullari ma do  Amed de  rayraşîyayîş û mîtîng bikerê.

Eynî roje Êlih, Şirnex, Colemêrg, Wan, Îstanbul, Mersin, Îzmîr û xeylêk bajaran de bi vatişê 'Hemserekîye û temsîlîyeto seyyewbînî xeta ma ya mor a'  mîtîng û şayîyan bikerê.

Ma do bi rêxistinkerdişê serewedaritişê  xo 8ê Adare de vejîye waran û bi nê motovasyonî dormeyê adirê Newroze de govende cinîyan bîgerê û 31ê adare de qeyûman bişawê û vajê îradeyê cinîyan û demokrasîya cayîyî. Ez bi na bawerîye û qerardarîye heme cinîyan selam kena. Wa biciwîyo Paştdayîşê Cinîyan, Jin Jiyan Azadi! Her Dem Têkoşîn, Her Dem Azadîye"