Bajarê Hamburgî yê Almanya de hetê Komela Paştîdayayîş û Kulturî ya Dewa Kaşanli de bi wesîleya serrgêra Qirkerdişê Mereşî aktîvîteyêk ameye viraştene.

Aktîvîte bi Gulbengî ameye destpêkerdene û dima ra qiseykerdişan de polîtîkaya hêrişkare ya dewlete ya serê Elewîyan û qirkerdişê ke bi destê dewlete hemverê şaran û îtîqatan de ameyî viraştene ser o ame qiseykerdene.

TORNANÊ SEYÎD RIZAYAN ÇIREY ÇOK NÊDA, DO MEDÊ

Qiseykerdoxan vera hêrişan bale ante muhîmîya yewbîyayîş û xoverdayîşê şaran û vat ke dewlete wazena ke Elewîyan çîn bikero la rixmê heme hêrişan Elewîyî do îtîqat û nasnameyê xo rê wayîr bivejî. Ma tornê Nesîmîyan, Seyîd Rizayan ê. Ma çirey verê zaliman de çok nêda do medê.

BIELEFELD DE VÎRARDIŞÊ MEREŞ, ROBOSKÎ Û 19Ê KANÛNE

Reyna bajarê Bielefeldî de zî bi aktîvîteyêk ê ke qirkerdişanê Mereş, Roboskî û 19ê Kanûne de ameyî qetilkerdene ameyî vîrardene.

Aktîvîteya ke hetê Dergahê Elewîyan û Yewîya Hêzî ya Demokratîke de ameye organîzekerdene xeylî kesî tewrê ci bîyî.

Qiseykerdişan de qirkerdişê Sûr, Cizîr û Efrînî zî ameyî vîrardene û ame vatene ke Qirkerdişê Mereşî zî sey nê qirkerdişanê bînan sîyasî yo.