Erdlerzê 6ê Sibate ra 5 mengî derbaz bîyî. Hema zî mesele û kêmasîyê mexdûranê erdlerzî dewam kenê. Şaredarîya Samandagî ya Hatayî planê awankerdişî yo ke Erdlerzê 6ê Sibate ra verî amade kerdbî bê vurnayîşî reyna pêşkêş kerd. 

Plan hem raştê nêrazîbîyayîşan ame hem zî mojna ke tedbîrê vera erdlerzê muxtemelî çend qels

ê.

Koma Karanê Şaristanî yê Umut-Senî ra Ramazan Oruçî babete ANFyî rê ercnaye.

Oruçî vat: ''No plan erdlerzî ra verî amebi amadekerdene û goreyê tedbîranê vera erdlerzî nîyo. Plan qet nêameyo vurnayene û newe ra ameyo vistene dewre. No skandalêko pîl o. Şaredarîya Samandagî bi nê hawayî mojnena ke erdlerzî ra qet derse nêgirewta. Verê cû Şaredarîya Îskenderûnî de kerdişêko winayên est bi, raporanê serê planî de qala erdlerzê 2023yî nêameyo kerdene. Rixmo ke na herême asta yewine de herêma erdlerzî ya tede tedbîrî nênê girewtene. Yeno waştene ke ê cayê ke awankerdişî rê musaîd nîyê, nînan de banî bivirazîyê.''

Oruçî ard ziwan ke nê planî de xeylêk kêmasî est ê û bi nê hawayî şaristanan de vera erdlerzî banî nêvirazîyenê.