Hemsereka Pêroyî ya DEM Partî Tulaye Hatimogurllari verê kombîyayîşê hemseran ê partîya xo rojdem erjna.

Hatimogurllari xoverdayîşê Wan û Şirnexî yê vera xileyanê weçînayîşanê 31ê adare selam kerd û nê vatî: “Şirnex de nizdê des hezar polîs p leşkeran raye şuxulnayene. Ma bi ferqê wirdî tîya vînî kerd la raştîye de Şirnex de DEM Partî ser kewt. Bi xoverdayîşê Wanî reyna ame vîrê ma ke eşkenê bi hêzê rêxistinkerdene ser bikewê.Weçînayîşan de ame vînayene ke DEM Partî têna Kurdîstanî de nê pêroyê Tirkîya de tesîr kerd. Karê ma yo esasî inkey dest pê keno. Şaranê Tirkîya îqtîdarî ra vat hinî bes o û verê DEM Partî û muxalefetî akerdo. Ma zî ganî nê rayîr de gamenê raştan bierzê û wezîfe û berpirsîyarîya xo bîyarê ca. Ma hazir ê, ma destê xo kerd binê kerra, ma do nê xebatan bikerê."

Tulaye Hatimogullari bale ante munaqeşeyanê qanûnê bingeyî ser û wina dewam kerd: “ Wa îqtîdar, muxalefet û heme dînamîkê komelkî goştarya ma bikerê; ma sey DEM Partî hazirîya xo kerd ke ma munaqeşeyanê qanûnê bingeyî pîya bi şarê xo bikerê. Îqtîdar keno ke bin ê munaqeşeyan xo bixelisno û la ma do destûrê ci medê."

Hatimogullari 1ê Gulane Roja Kedkar û Karkeran ê Dinya vîst vîrî û wina vat: “Ma do pîya bi kedkar, karker û hêzanê demokrasî meydanan de bê. Ma do meydanan ra reyna biqîrê û vajê; ma şerî rê nê haştîye, kar, werd û nanî rê butçe wazenê."

Tulaye Hatimogullari vera hêrişê serê çapemenîya azade hêrsê xo ard ziwan û nê vatî: "Ma nê operasyon, destbendkerdiş û tepiştişan şermezar kenê. Ganî rojnamegerî cade bêrê veradayene. Tewr zaf Tirkîya de rojnamegerî zîndan de yê Rewşa winayêne de kam qala kamyew qanûnê bingeyî keno? Eke ma qala qanûnê bingeyî yê demokratîkî kenê, ganî verî çapemenîye azad bo. Ganî heme kedkarê çapemenye bêrê tehlîyekerdene."