Hemsereka Pêroyî ya DEM Partî Tulaye Hatîmogullari dewa Xincikî ya Êlih de şarî reyde ameye têhet. Şarî bi coş û sloganan hemsereke û heyetê ci pêşwazî kerd.

Dima hemsereke qezaya Heskîfî de dikanî zîyaret kerdî û goş na meseleyanê şarî ser.

Heyet dima qezaya Kercewsî de tewrê kombîyayîşê şarî bi 

Hemsereka Pêroyî ya DEM Partî Tulaye Hatîmogullari tîya de qisey kerd û pare kerd ke înan lez dayo xebatanê xo yê weçînayîşan. Tulaye vat: ''Ma her ca de ferasetê qeyûman teşhîr kenê. Ma do hîna bi hêzî bêrê ke qeyûmî do nêzanê biremê kamca. Ma do bi têkoşînê rêxistinkerdeyî şaredarîyanê xo apey bigêrê. Ma do pêro şaredarîyanê xo de kar û xebatanê xo bi kurdkî bikerê. Ma do anxî Kercews de peykerê Cigerxwinî ronê. Ma do temsîlîya têdûşte bîyarê ca û pîya vajê 'Jin, Jiyan, Azadî.' Ma do 31ê adare de govenda serkewtişî bigêrê.''

Dima Tulaye Hatîmogullari şarî reyde govende girewte.