Hayrettîn Yilmazo 65 serre Zîndanê Afyonkarahîsarî de tepişîyayêne û nêameyêne dermankerdene 14ê adare de cuya xo vînî kerdebî.

Goreyê xebera ajansê Mezopotamya îdareyê zîndanî serê sibayî keyeyî rê telefon kerd û vat ke Yilmaz merdo. Keye seba ke cenaza bigêro kewt rayîr. Cenaza do Sêrt de bêra definkerdene.

Keyeyî eynî roje cenazaya girewt û ber Dihê Sêrtî. Konvoyê cenaza çar rey ame vindarnayene û polîsan destûr nêda 300 kesî pîya bi cenaza bikewê bajar. Bado ke konvoy xelyêk ame pawitene kewt bajar. Cenaza dewab Berşeşa de binê ablûqaya polîsan de ameye definkerdene.