Hayrettîn Yilmazo 65 serre Zîndanê Afyonî de tepişîyayêne û nêameyêne dermankerdene. Yilmazî dinyaya xo bedilnaye.

Goreyê xebera ajansê Mezopotamya îdareyê zîndanî serê sibayî keyeyî rê telefon kerd û vat ke Yilmaz merdo. Keye seba ke cenaza bigêro kewt rayîr. Cenaza do Sêrt de bêra definkerdene.

Yilmaz de nêweşîyê kanser, gastrît, ulser û reflu, tîroîd estbî. Dewlete pê bahaneya janî xeylêk nêverda ke Yilmaz bêro dermankerdene û rixmo ke serrêke cezaya ci mendî nêverda pê şertê konrolî vera bidîyo.