Têgêrayîşê Şorişgêrî yê Yewbîyayeyî yê Şaran (HBDH) yê Ewropa derheqê grevê vêşanîye de eşkerayîyêke daye.

Eşkerayîye de ame vatene ke dewleta tirke ya faşîste bi taybetî 2015 ra nata bi hawayêkê giranî hêrişê kurdan kena û xîret kena ke Rojawan û Başûrê Kurdîstanî îşxal bikera.

HBDH vat: ''Dewleta tirke ya faşîste seba ke îradeyê kurdan bişikna qirkerdişan kena, zîndanan de tecrîd ana ca û heqanê merdiman binpay kena. Dewlete pê girankerdişê tecrîdê vera Rayberê Şarê Kurdî Abdullah Ocalanî kena ke Têgêrayîşê Azadîye û hêzanê şorişgêran bitersna. Vera Abdullah Ocalanî û tepişteyan tecrîd, zulm û zorbazî yenê kerdene. Bi taybetî prosesê pandemî de asta tewr berze de heqê tepişteyan ameyî binpaykerdene. Tepişteyan 27ê teşrîna verêne de vera nê kerdişan grevê vêşanîye da destpêkerdene ke nika 107 zîndanan de 2 hezar tepişteyî grevê vêşanîye dewam kenê. Ma vera tecrîdkerdişê Birêz Ocalanî, binpaykerdişanê heqanê tepişteyan, îşkence û hêrişan paştî danê grevê vêşanîye. Ma venga şarê xo, hêzanê averwaz û şorşgêran danê ke seba qedînayîşê tecrîdî têkoşîn pîl bikerê û paştî bidê grevê vêşanîye yê tepişteyan. Tecrîd do biqedo, xoverdayîş do ser bikewo.''