Komîteya Rayberdişî ya HBDHyî serrgêra 52ine ya dardekerdişê înan de Denîz Gezmîş, Huseyîn Aslan û Yusuf Înan yad kerdî.

HBDHyî vat ke nê hîrê şorişgêran heta peynîya nefesê xo seba edalet, têdûştî û azadîye têkoşîn kerdo. HBDHyî vat: ''Denîzan seba şorişî xo feda kerd û mojna ke azadî û felate bi şorişî mumkîn ê. Denîz, Huseyîn û Yusuf bîyî tersê faşîzmî, rayberê şorişgêrîye, hêvîya kedkaran, nîşenaya şorişî û şerwanê azadîye.

Ma do tim wayîrê nê şorişgêranê xo vejîyê, vîrameyîşê embazanê xo bi şorişî bipawê. 

Şarê kurdî û Tirkîya bi serran o binê faşîzm û hêrişan de yê. Dişmen xîret keno ke qirkerdişanê neweyan bikero. La têkoşînê gerîlayan derbanê giranan dano dişmenî ro. Nê prosesê krîtîkî de ma dîyar kenê ke adirê embazanê ma Denîz, Yusuf û Huseyînî ma rê benê roşnî. Wext wextê ci yo ke sey înan game bêra eştene û faşîzm bêro rijnayene. Erkê ma yo tewr lezgîn û rojane yo ke faşîzmî birijnê û azadîye bivisnê destî.''