Berpirsê Komîsyonê Huqûqî û Heqanê Merdiman ê HDPyî Umît Dedeyî seba Hewteyê Têkoşînî yê Vînîbîyayeyan eşkerayîyêke daye.

Eşkerayîye bi kilmî wina ya: ''Goreyê raporê Komîsyonê Vînîbîyayeyan ê Komeleya Heqanê Merdiman (ÎHD) serranê 1990î ra nata hezar û 388 kesî wextê destbendkerdişî de dîyayî vînîkerdene û 253 gorê komkî estê. Nê goran de tewr tay 4 hezaran merdimî estê. Dewleta tirke bi hawayêkê sîstematîkî 17 hezar kurdî kiştî. Eleqeyê polîtîkaya vînîkerdişî ya dewlete pê meseleya kurdan esto. La erey yan zî rew edalet do bêro caardene. Polîtîkaya vînîkerdişî pê Qirkerdişê Armenîyan û Terteleyê Dêrsimî dest pêkerd. La kurdan qetî têkoşînê xo ra fek vera nêda.''