Heyetê Rayberdişî yê Merkezê Partîya Demokratîke ya Şaran (HDP)  bi wesîleya serrgêra Darbeya 12ê Êlele eşkerayîyêke daye.

HDPyî bale ante ser ke  Darbeya 12ê Êlule ke  îradeyê şarî xesp kerd û demokrasî û heqê merdiman mabênî ra wedaritî, ewro giranêr yena domayene û vat: ''Na darbe de têna bi hezeran destbendkerdiş, îşkence, tepiştiş, surgun îdam û înfazê meçhulî nêqewimîyayî, eynî wextî de vera şarê kurdî, elewîyan, cinîyan û kedkaran bêedalîtîye û caardişê teberê huqûqî ameyî kerdene. Reyna xespkerdişê hewanê kedkaran, vergirewtişê sendîkayan, xespkerdişê heqê rêxisitinkerdiş û kombîyayîşî, binpaykerdişê fîkrî, îfade, xebergirewtiş û resnayîşî ke wextê derbe de ameyî kerdene ewro hetê hukmatê AKP-MHPyî ra yenê domnayene.

Sîstemê Hukmatê Serekkomarîye  hewesê faşîzmê darbeya leşkerî rejîmê xo de ard caardene ke sere de şare kurdî vera komelê Tirkîya,elewî û ê bînan, cinîyan  kedkaran rayra beno. Nê hetî ra îqtîdarê AKP-MHPyî ruh û aqlê 12ê Êlule dano dewam kerdene. AKPyo ke 2002 de ame îqtîdar û  îdîa kerd ke do darbekaran ra hesabê biperso, herinde naye de waştişê darbekaran ardî ca. şaredarîye ma ameyî xespkerdene, parlamenterê ma bîlaheq rehîn ameyî girewtene, demokrasî û heqê merdiman mabênî ra ameyî wedaritene, selahîtyetdarîya hukmî dîyayî kesêkî. Nê pero ramojnenê ke 12ê Êlule têna nameyê derbeyêke nîyo, eynî wextî de nameyê îdareyê otorîterî yê vizêr û ewroyî yo.

Ma serrgêra 40. ya Darbeya 12ê Êlule de zînîyetê darbekarî şermezar kenê û qûrbananê ci bi hurmet yad kenê. Na derbe zerrîya merdimîye û komelî de ameya mehkumkerdene. Têkoşînê ma yê vera darbekaran sey vizêrî ewro û siba zî do dewam bikero.''