HDP çarçewa Kampanyaya 'HDP her ca de yo' de Dîlok de şarî reyde kom bi. Endamê Heyetê Rayberdişî yê HDPyî Turgut Oker, Wekîlê HDPyî Alîcan Onlu, Garo Paylan û Tulaye Hatîmogullari tewrê heyetê kombîyayîşî bîyî. 

Kombîyayîşê şarî de deyîrî ameyî vatene, govende gêrîyaye û pê sloganan paştî dîyaye grevê vêşanîye yê tepişteyan.

Wekîlê HDPyî Garo Paylanî kombîyayîş de qisey kerd û vat: ''Nê şarî ters derbaz kerdo, nika Qesre tersena. Çunke a ha bin kewena. HDP şar o û nêzdî de do bibo îqtîdar.''

Kombîyayîşê şarî de hunermend Kadrî Çat û hunermendê herêmî peynî de vejîyayî sehne ser.