Bernameyê pîrozkerdişan ê Newroze yê ke hemserekê HDP'yî Pervîn Buldane û Sezaî Temellî beşdarê ci bibê ameyî eşkerakerdene. Goreyê bernameyî, Newroze do 27 merkezan de bêro pîrozkerdene û 9 bajaran de zî mîtîng bêro viraştene.
Bernameyê HDP'yî yê seba Newroze eşkera bi. HDP do 21'ê Adare de Bodrûm, Çanakkale, Şirnex, Amed, Wan, Cizîr, Nisêbîn, Mîdyat, Êlih, Tetwan, Dep, Pirsûs, Gever, Dîlok, Îzmîr, Antalya, Edene, Mersîn, Manîsa, Cîhanbeylî, Bûrsa, Hatay, Agirî, Girgê Amoyî de, 24'ê Adare zî Stenbol û Datça de Roşanê Newroze pîroz bikero.
Pîrozkerdişê Amed û Stenbolî do bi beşdarbîyayîşê Buldane, yê Wanî zî bi beşdarbîyayîşê Temellî bêro kerdene.
Mîtîngê fînalîyê HDP’yî zî Çewlîg , Wan, Mûş, Agirî, Colemêrg, Amed, Îdir, Şirnex û Depe de do bêro kerdene.
Dem û cayê mîtînganê fînalan:
25'ê Adare roja Dişemeyî - Çewlîg - Pervîn Bûldane
27'ê Adare roja Çarşemeyî - Wan - Berdan Ozturk
27'ê Adare roja Çarşemeyî - Mûş - Pervîn Bûldane
28'ê Adare roja Pancşemeyî - Agirî - Pervîn Bûldane
29'ê Adare roja Îneyî - Colemêrg -
29'ê Adare roja Îneyî - Amed - Sezaî Temellî
29'ê Adare roja Îneyî - Îdir - Pervîn Bûldane-Berdan Ozturk
30'ê Adare roja Şemeyî - Şirnex - Sezaî Temellî
30'ê Adarê roja Şemeyî - Depe - Kemal Bulbul
