Wekîlê HDPyî Omer Faruk Gergerlioglu vizêr saetanê şanî de keyeyê ci de pê îşkenceyî ame tepiştene û dima ke ame berdene nêweşxane tira xebere nîna girewtene. HDPyî veng da ke wa cade derheqê Gergerlîoglu de zanayîş bêro dayene.
Wekîlê HDPyî Omer Faruk Gergerlioglu vizêr saetanê şanî de keyeyê ci de pê îşkenceyê polîsan ame tepiştene û dima ke ame berdene nêweşxane tira xebere nîna girewtene.
Avûkatê Gergerlîogluyî Bîşar Abdî Alinakî hesabê xo yê medyaya sosyale de vat: ''Omer Faruk Gergerlîoglu nika ardîya edlîye. Seba ke dejê qelb û sîneyî anceno doktorê ci yê nêweşxaneyî vato ganî şiro beşa kardîyolojî û anjîyo bibo. Ma nêzanê kamyew nêweşxane de yo senî yew tedawî yena kerdene. Zanayîş nêdîyeno ma.''
Baroyê Çapemenîyê ya HDPyî derheqê Wekîl Faruk Omer Gergerlîogluyî de eşkerayîye daye û nê pare kerdî:
''Wekîlê ma Omer Faruk Gergerlîoglu ewro saetanê şanî de Anqara de keyeyê ci de pê zorê polîsan ame girewtene. Badê tepiştişî semedê kontrolê weşîye ame berde Nêweşxaneyê Dewlete yê Gazî Mustafa Kemalî. Neweşxane de seba ke wucudê ci de rêçê derban estê raporê derbe ame girewtene. Wextê muayene de dejê qelbî û sîneyî ra problemê tengayîya nefesî vejîyayî werte. Rixmo ke îdarekaranê partîya ma muracatê wezîrîyanê weşîye û edaletî kerd derheqê wekîlê ma de zanayîş nîno dayene. Ma nêzanê ke wekîlê ma ça de yo û rewşa ci senîna. Ganî cade derheqê wekîlê ma de zanayîş bidîyo rayapêroyîye.''
Boroyê Çapemenîye yê HDPyî rapor zî pare kerd.
