Wekîlê Partîya Demokratîke ya Şaran (HDP) yê Kocaelî Omer Faruk Gergelîogluyo ke wekîlîya ci ameye wardayene seba ke derheqê ce cezaya hepsî ya qetî esta semedê teslîmbîyayîşî demê des rojan dîyabi ci. Gergerlîogluyo ke vat o do teslîm mebo û keye de pawitene hetê polîsan ra ame tepiştene.

Lajê Gergerlîogluyî Salîh Gergerlîogluyî  twetterî ra de pêhesnayene reyna eynî rezalet ameyo kerdene, polîsan destur nêdayo babîyê ci solanê xo pay bikero wina berdo.

Salîh Gergerlîogluyî hela girewtişê babîyê xo bi nuşteyê ''fotografê zordarîye'' pê fotografêk pare kerd.

Gergerlîogluyî hela ke polîsan o berê ci de pawtine tewrê weşanêkê ganî bi û vat: ''No zulm do rojêk miheqeq biqedîyo. Wa bizanê ke nika hêvîya haştîye ya nê welatî çîn kenê. Seba ke ma çîyê raştî vatî û wekîlê şarê xo yê yenê tepiştene. Mi anorê nê şarî nêgirewt binê payan ez do megerî zî. Ma do têkoşînî rê dewam bikerê û rojêke miheqeq peyser bêrê. Ça beno wa bibo ez do wekîlê şarî bî. Na hîkaye tîya nêqedîyena, no zulm wina do dewam mekero. Çîyo ke meclîs de va tîya zî vajî: Xoverdayîş ciwîyayîşo.''