Kampanyaya 'Ma HDP yê, her ca de yê' ya HDPyî Gumgum de dewam kena. Dewa Nazarcixî ya qezaya Elbîstanî de Wekîlê HDPyî Tulaye Hatîmogullari û Garo Paylan, Endamê Heyetê Rayberdişê Merkezî yê HDPyî Turgut Oker tewrê kombîyayîşê şarî bîyî.

Kombîyayîş de verî Tulaye Hatîmogullari qisey kerd û vat: ''AKP meseleya elewîyan û kurdan de samîmî nîyo. Ma do AKPyî bin bikerê. Eke hêzê demokrasî yê nê welatî bêrê yewca AKP pê nînan do nêeşko.''

Garo Paylanî zî ard ziwan ke HDP semedê estbîyayîş û rûmetî têkoşîn keno û HDP do verê zaliman bigêro.

Turgut Okerî bale ante grevê vêşanîye yê tepişteyan ser û vat: ''Waştişê çalakîkeran waştişê ma yê. Ma do her ca de bibê vengê înan.''

Heyet dima derbazê qezaya Ekînozuyî bi û tîya de zî tecrîdkerdişê Rayberê Şarê Kurdî Abdullah Ocalan û grevê vêşanîye yê tepişteyan ser o qisey kerd.

Heyet ewro do Dîlok de şarî reyde kom bibo.