Heyetê Rayberdişî yê Merkezî yê HDPyî hêrişê dewleta tirke yê vera Nêweşxaneyê Sikenyê yê Şingalî şermezar kerd.

HDPyî vat: ''Îqtîdarê AKPyî dişmenîya vera kurdan xo rê kerde polîtîkaya bingeyîne û hêrişê vera Şingalî zêdînayî. Vizêr û ewro Şingal ame bombardumankerdene. Hêriş de sivîlî bîyî hedef. Şertanê şerî de zî nêweşxane û warê sivîlî nêbenê hedef.

Ma hêrişanê vera Şingalî bi xurtî şermezar kenê. Polîtîkaya ke îradeyê Şingalî nêşinasnena ma zî aye nêşinasnenê. ''Îqtîdarê AKPyî erjê merdimîye û peymanê mîyanneteweyî binpay kerdî. AKP do hesabê nê hêrişan warê huqûq û sîyasî de bido.

Ma venga wayîranê wijdanî danê ke wa vera nê hêrişan bêveng nêmanê. Sey vizêr ewro zî ma paştî danê îradeyê xoîdarekerdişî yê Şingalî.''