Heyetê Rayberdişê Merkezî yê HDPyî derheqê  Afyon de kişîyayîşê karkerê kurdî de eşkerayîyêke daye.

Eşkerayîye de wina ame vatene: ''Hêrişê Sakarya ra dima nareye zî Afyon de vera karkeranê kurdan hêrişo nîjadperest ame kerdene. Hêrişê çekdarî de karkerê înşaatî Ozkan T. dinyaya xo bedilnaye, Firat T. û Emrah O. zî birîndar bîyî.''

HDPyî merdimanê karkeran rê serweşîye waşte û birîndaran rê zî şîfa waşte. HDPyî vat: ''Eşkerayî û polîtîkaya zere û teberî ya îqtîdarî ya vera kurdan na netîce vete werte. Sebebê mergê karkerê kurdî vatişê nefretî yê îqtîdarî yo. Hêrişê nîjadperestî yê vera kurdan netîceya polîtîkaya bêcezaverdîşî ya.

Ma do hêrişê Afyonî teqîb bikerê û nêverdê ke kesê ke nê hêrişan kenê bêceza bimanê.''