HDP’yî vera qerarê Heyetê Weçînayîşê Berzî (YSK) yê mazbata nêdayîşê serekanê şaredarîye yê îxraçkerdoxan reaksîyon da.

Merkezê HDP’yî adresê xo yê medyaya sosyale ser a vera YSK’yî hêrsê xo ard ziwan û va: ‘‘ Bi nê qerarî qezayanê Tuşba, Çaldiran û Artemêtanî yê Wanî, qezaya Tatosî ya Erzîromî  qezaya Dîgorî û beldeya Dagpinarî yê Qersî de hemserekê ma yê  ke ameyî weçînayene mazbata nêdîyena înan. YSK  yo ke namzedîya înan qebûl kerdebî ewro mazbata înan nêdana. Eşkerayo ke no qerer ameyo plankerdene û leteyêkê komploya sîyasîye yo. Şarî qerarê xo dayo û îradeyê xo ramojnayo. La YSK’yî bi waştişê AKP’yî îradeyê şarê  rê derbe kerde. YSK’yî bi nê qerarî rolê qeyûmî yê dewrê neweyî girewt xo ser.