Partîya Demokratîke ya Şaran (HDP), kombîyayîşê xo yê ke Heyetê Rayberdişî yê Merkezî (MYK) û Meclîsê Partîye de peyê hewteyî de bînaya xo ya Merkezê Pêroyîyî de viraştîbî de, stratejîyo ke seba bajaranê rojawanî do bido xo ver kerd zelal.

Goreyê qeraranê ke kombîyayîşan de ameyê girewtene, nê 7 bajaran de namzedî do nêrê mojnayene: Dîlok, Riha, Edene, Enqere, Mersîn, Îzmîr û Stenbol.

HDP, qezayanê şaristananê girdan ê ke namzedî nêmojnayê de, sey qezaya Mersînî ya Akdenîze û  qezaya Stenbolî Şîşlî de do namzedan bimojno.

HDP, Konya û qezayanê Konya de zî do namzedan bimojno. Goreyê girewtişê qeraran, qezaya Kulu, Cîhanbeylî û  Şaredarîya Girda ya Konya de HDP qetî namzedan do bivejo.

Munaqeşeyanê ke seba Herêma Egeyî ameyî kerdene de zî, Aydin, Muxla, Balikesîr, Manîsa û hîna zaf şaristanan de mojnayîşê namzedan ser o ame vindetene. Derheqê qerardayîşê babetanê ke partîye kerdê zelal de zanayîşî ganî rojanê verê ma de bêrê eşkerakerdene.