HDP û Partîya Çep a Keske kombîyayîşê xo yê merkezî ye erjnayîşê netîceyê weçînitişî qedînayî. Kombîyayîşanê Meclîsê Partîye û Heyetê Rayberdişê Merkezî de tay qerarî ameyî girewtene.

Verî do îdareyê rêxistinanê bajar û qezayan de kombîyayîşî bêrê kerdene. Kombîyayîşê îdareyê partîye do mabênê 17-25ê hezîrane de bêrê kerdene.

Reyna partîyî do bajar, qeza mehla û dewan de kombîyayîşanê şarî bikerê. Kombîyayîşan de do rewşa rêxistinkî bêro destgirewtene, rexne û waştişê şarî bêrê goştarîkerdene. Temsîlkarê rêxistinanê komelê sîvîlî, rîsipîyî, wekîlî û îdarekarê partîye do tewrê kombîyayîşan bibê. Kombîyayîşî do waranê akerdeyan de bêrê kerdene. Kombîyayîşan de do şar qisey bikero. 

Çarçeweya programî de do partîyîjî Roşanê Qurbanî de keye bi keye bigêrê. Zîyaretê dewan û keyeyan do prosesê roşanî de dewam bikerê. Badê prosesê xorexnekerdişî û kombîyayîşanê şarî do xebatê konferansê cayî û merkezî bêrê destpêkerdene.