Vervatoxa Komîsyonê Huqûq û Heqanê Merdiman ê HDP’yî parlementera Êlihî Ayşe Acar Başarane derheqê operasyonanê sîyasî yê serê partîya ci de eşkerayîye daye. Başarane vat ke Ma vera faşîzm xo ver ro da, ma do xo ver ro bidê, ma do sindoqan de zî xo ver ro bidê.  Siba bloka faşîste  do bêro  vilakerdene.

713  destbendkerdeyî, 107 tepişteyî

Başarane vat, “30’ê Adare de Stenbol de xeylî ci namzedê ma yê meclîsê şaredarîye,  pêroyî ci 53 kesî ameyî destbendkerdene. Edene de zî Hemserekê ma yê bajarî zî mîyan de 8 endamê partîya ma ameyî tepiştene. Îdir d zî 15 endamê HDP û DBP’yî amebî destbenkerdene û 9 kesî înan ra ameyî tepiştene. Wan de zî 24 kesî amebî destbenkerdene û 14 kesî înan  ra ameyî tepiştene. Riha de zî endamê ma yê meclîsê şaredarîye zî mîyan de 11 kesî ameyî tepitene.

Destpêkerdişê xebatanê weçînayîşê 31’ê Adare 2019’î ra nata 713 kes ameyî destbendkerdene û 107 kesî ameyî tepiştene. Tifaqa AKP û MHP’yî bi destbendkerdiş û tepiştişê, endaman, rayberîyan, muşahîdan, temsîlkaranê ma yê partîye û endamanê meclîsî yê şaredarîye  kena ke weçînayîşî de ser bikewa, la a do nêeşkena biresa amancê xo.

Ma vera faşîzm xo ver ro da, ma do xo ver ro bidê, ma do sindoqan de zî xo ver ro bidê. Siba bloka faşîste do bêro  vilakerdene. Nê bingeyî ser o ma venga şarê xo danê ke şorê sindoqan ser û îradeyê xo yê demokratîkî û xoverdayîşê xo bidê mojnayene.”