Parlamenterê HDPyî yê ke endamê Grup Yorumî Îbrahîm Gokçeko ke rojeyê mergî de yo zîyaret kerd veng da komelî ke wa wayîrê têkoşînî bivejîyo. Reyna hukmatî ra zî ame waştene ke wa waştişî cade bêrê qebulkerdene ke Gokçek biciwîyo.
Rêxistina Îstanblî û xeylêk parlamênteranê HDPyî ra grubeke şîye zîyaretê Îbîrahîm Gokçekî yo ke 322 rojîyo ke semedê heqanê xo yê bingênenan rojeyê mergî de yo.
Heyetê hetê babîyê Gokçekî Ahmet Gokçek û avûkatanê Buroyê Huqûqê Şarî ra ame vervazîkerdene. Pêvînayîş nizdê 20 deqayan dewam kerd. Dima ra bi nameyê heyetê Serpîle Kemalbay eşkerayîye wende. Eşkerayîye de bale ameye antene serê rewşa girane ya Gokçekî ser û ame vatene ke na merhale de hînî roje nê girîngîya seatan esta. Kemalbaye têkoşînê Gokçekî sey têkoşînê şarî name kerd û vat: ''Ma nêeşkayî Hêlîne Bolek û Mustafa Koçakî bixeslinê ganî sey komel wayîrê têkişînê Gokçekî bivejê ke ma ey bixelisnê. Waştişê Gokçekî edalet o la hukmat vera nê waştişî rixmê mergî kerr, kor û lal o. Ganî cade qerar bêro dayene waştişî bêrê qebulkerdene ke Gokçek bicîwîyo.''
