Komîteya Kultur û Hunerî ya PKKyî eşkerayîyêka nuştekîye weşanaye û seba Îbrahîm Gokçeko ke rojeyê mergî de yo veng da ke çalakîyî do bêrê kerdene û waşt ke xoverdayoxê tepişteyî têna nêrê veradayene. Komîte vat: ''Verî ke tabutîğ bikewê zîndanan ma do wurzê payan ser.''

Eşkerayîya Komîte wina ya:

''Endama Grup Yorumî Hêlîne Boluk û Mustafa Koçak rojeyê mergî de şehîd bîyî. Rojeyê mergî yê Îbrahîm Gokçekî zî seke çin o wina yeno hesibnayene. Gokçekî eşkera kerd ke o pê qerardarîye çalakîya xo dewam bikero. Seba Hokçekî ma venga her kesî danê ke bi lezabezî çalakîyan bikerê.

Xoverdayoxê tepişteyî û êyê ke teber de yê ganî tênê nêrê veradayene û verî ke şehadetê neweyî biqewimîyê seba ke waştişanê înan bêrê qebulkerdene tedaya îqtîdarî bikerê. Şert û mercanê nikayênan de rayîr û metodê cîyayî yê ney estê. Ganî merdimî peygoşî nêkerê.

Temsîlkarê partîyanê sîyasîyan, rêxistinê komelê sivîlî û hunermendî seba ke netîce bigêrê ganî têbigêrê.

Seba ke tepşteyê sîyasîyî bêrê veradayene her roje biba roja çalakîyan. Qirkerdiş her ca de yo! Verî ke tabutî nêkewê zîndanan ganî her kes wurzo payan ser. Keye, şûmşîn û pancerayan de çalakîyan bikerê. Hunermendî zî ganî pê hunerê xo tewrê ney bibê.

Ganî cuya Îbrahîm Gokçek bêra pawitene û wayîrê xoverdayoxan bêro vejîyayene. Ma keyeyanê Hêlîne û Mustafayî rê serweşîye wazenê û soz danê ke ma do vîrameyîşê înan bikerê sebebê rijîyayîşê rejîmê faşîstî û têkoşînê xo yê seba demokrasî û azadîye dewam bikerê.''