Endama Grup Yorumî Hêlîne Boleka ke roja 288ine ya rojeyê mergî de dinyaya xo bedilnaye seba ci merasîmê cenaza ame organîzekerdene. Polîsanê ke hêrişê merasîmî kerd bi zorî  cenazaya endama Boleke arde Goristanê Ferîkoyî û destûr nêda cenazaya bêro şutene û daye definkerdene.

Cenazaya Boleke ya ke saetanê serê sibayî keyeyê xoverdayîşî yê Kuçuk Armutlu ra ameye girewtene û ame waştene ke bêro berdene Cemxaneyê Okmeydani la polîsan vernîya cenaza girewte destûr nêda cenazana bêro berdene Cemxane û bi zorî berde Goristanê Ferîkoyî.

Polîsanê ke destûr nêda kesêk şirê goristan têna avûkatî, keyeyê Hêlîne Bolek û Îbrahîm Gokçekî girewtê goristan.  Polîsan waşt cenaza bêşutiş bêro definkerdene. Keyeyê Bolekî vera naye vejîya la bi zextê polîsan cenaza bêşutiş dîyaye definkerdene.