Merkezê Heyetê Rayberdişî yê HDP’yî  derheqê hêrişê polîsan ê serê wekîlanê xo û şarî  de eşkerayîyêk daye û nê pare kerdî:

''Hêrişê polîsan de wekîlê ma hedef ameyî girewtene. Bi waştişê qetilkerdişî hêriş ameyo kerdene. Wekîla ma Remzîye Tosûne  game  ke bi sedye nêweşxane rê ameyêne wedarnayene zî hêrişê polîsan dewam kerdêne. Bajarê Amedî hîrê serrî yo ke binê ablûqaya polîsan de yo.  Tayê hêzê dewletî  Amed de huqûq nas nêkenê û sey çeteyan tê gêrênê. La ma no film zaf reye dîyo. Şarê Amedî û heme herême rixmê heme hêrişan milê xo çewt nêkerd do ewro ra tepîya zî çewt nêkero. YSK ê welatî  heqê şarî xesp keno. Walîyê bajarî bi keyfe xo  eşkerayîya çapamenî û çalakîyan qedexe keno. Hêzê dewlete hêrişê şarî kenê. Tecrîdo ke îqtîdar dano domnayene goreyê huqûqî û pêkewtişanê mîyanneteweyîye nêyo. Gevê vêşanîye yê ke parlamenteran û şarê ma dayê destpêkerdene, goreyê heqê xoverdayîşî yê qanûnê bingeyênî yê. Îqtîdaro sîyasî çalakîyanê demokratîkî rê tehamul nêkeno. Amed de reyna ameyo famkedene ke na polîtka ya hêrişkare nêtepişt do nêtepişo. Wa no zaf hol bêro zanayene ke rixmê heme polîtîkayan leyşinan,  zext û çokdayîşî ma do xoverdayîşê xo yê biheq û bianorî rê dewam bikerê. Heta ke tecrîd bêro wedartene û bêhuqûqîye  biqêdîyo do xoverdayîşê ma bêro domnayene.''