Hemserekê HDP’yî Pervîn Bûldane û Sezaî Temellîyî, bi wesîleya roşanê Remazanî peyamêkê pîrozkerdişî pare kerd.

Peyamê HDP’yî wina yo:

“Ma merdimê nê erdî bi heme cîyayî û dewlemendîyanê xo roşanê ke ma rê mîras mendê, bi manaya rastikêne mîjdanîya pîrozkerdişê roşanî danê. Roşanê Remazanî, roşanê hembervejîyayîşê neheqîyan û serewedaritişê zulmî yo; roşanê aştbîyayîş, têhetameyîş û pîya ameyox afernayîşî yo. Ma eşkenê roşanan bi manaya ci ya rastikêne pîroz bikerê, eşkenê aşitîye awan bikerê, cuya hempare serê bingeyê têduştîye de awan bikerê. Senî ke ma bi hêvî kede û têkoşîn aferna, ma eşkenê ameyoxê xo zî serê bingeyê aşitî, demokrasî û azadîye de awan bikerê.  

Rixmê şer û sîyasetê mergî yo ke yeno ferzkerdene, ma hêvî kenê ke kesê ke serê nê erdî de ciwîyenê, bi rengê xo, bi ziwan û dînê xo û bi hawayêko azad roşanî do pîroz bikerê. No zî ma ra zaf dûrî nîyo. Coka HDP esto, coka xoverdayoxê ke seba naye xo ver ro danê estê. Leylayan mojna ma ke ma eşkenê ser bikewê. Bi saya xoverdayîşî dimayê serranê dergan bi hêvîye roşanê ke ma xeyal kenê, roşanî pîroz kenê.

Ma hêvîdar ê ke no roşan bibo wesîlaya aşitîya mende ya mabênê şaran û xo reyde aramîye bîyaro. Bi nê hîsan ma roşanê Remazanî yê temamê Alemê Îslamî pîroz kenê.”