Rayraşîyayîşê  ke hetê HDP’yî ra ameyê organîzkerdene, roja Şeme de qezayanê Kartal, Gazîosmanpaşa û Başakşehîr de eynî wext de ameyî viraştene. Rayraşîyayîşo ke do qezaya Sûltangazî de biameyêne viraştene zî hetê polîsan ra ame astengkerdene.

Çalakîyan de bale ancîyaye serê grevanê vêşanîye yê vera tecrîdkerdişê Ocalanî.

Hemsereka HDP'yî ya qezaeya Sûltangazî Zubeyde Înce, polîsanê ke verê rayraşîyayîşê înan birnabi ra vat, “Kesê ke şima ra vanê verê nê rayraşîyayîşan bigîrê, rojêk bêro ê do hesabê ney bidê.”

Rîyê astengkerdişê rayraşîyayîşî ra HDP’ijî cayê xo de roniştî û çalakîya roniştişî viraşte. Labelê polîsan reya bîne ê tehdît kerdî. Girseyî heta wextêk çalakîya xo dewam kerde û bado zî agêrayî banê HDP’yî.