Partîya Şaran a Demokratîke (HDP)  semedê baleantişê serê grevê vêşanîyê yê parlamentera  Colemêrgî û hemsereka KCD’yî Leyla Guvene yo ke roja xo ya 173’ine de yo  û rojeyê mergî  û grevê vêşanîye yê ke zîndanan de yenê domanyene meclîs de dest bi çalakîya ronişitşî kerde.

Parlamenterê ke  serekwekîlê Grûba HDP’yî Fatma Kûrtûlane û Sarûhan Olûç zî tede yê vernîya Berê 1’ine yê Meclsî yo ke makamê Serekê Meclîsî Mûstafa Şentopî tede ca gêno de dest bi çalakîye kerde.

Fatma Kûrtûlane da zanayene ke Leyla Guvene nêzdîya 6 mengan o ke grevê vêşanîye de ya û va: ‘‘Guvene semedê waştişê  biheq grev de ya. Guvene wazena ke tecrîdê serê Birêz Ocalanî bêro wedarene û vernîya aşitîye bero akerdene. Waştişê Guvene heme zîndanan ra vila bi. Rixmo ke ma va wa kes memiro û zîndanan ra tabûtî mevejîyê, 8 kesan cuya xo vînî kerde. Nika 15 kesan dest bi rojeyê mergî kerd. Ma zî semedê baleantişê meclîsî dest bi na çalakîye kerde. Ma veng danê ke wa Wezîrîya Edaletî wezîfeyê xo bikero  ke Guvene wa bicuyo.‘‘