HDP çarçeweya xebatanê weçînitişê cayîyan de mîtîngê fînalî do siba Amed virazo. Namzedanê Amedî semedê tewrbîyayîşê mîtîngî veng da û vat ke se hezaran kesê ke tewrê Newroze bîyî wa bi ruhê Newroze tewrê mîtîngî bibê.
Partîya Şaran a Demokratîke (HDP) siba do mîtnîgê xo yê fînalî Meydanê Îstasyonî yê Amedî de saet 11 de virazo. Namzedanê HDP’yî Amedî waşt ke wa her kes bi reng û vengê xo tewrê mîtîngî bibo.
Hemserekê Pêroyî yê HDP’yî Sezaî Temellî, hemserekê Pêroyî yê KCD’yî Berdan Ozturtk û hemserekê Pêroyî yê DBP’yî Mehmet Arslan û temsîlkarê parîtyanê ke bi HDP’yî îtîfaq kerdo do mîtîngî de qisey bikerê. Koma Gûlên Xerzan û Ayşenûr Kolîvare zî do bi deyîranê xo reng bidê mîtîngî.
Namzedê Bajarê Girdî yê Amedî Selçûk Mizrakli û xeylî namzedanê bînan semedê tewrbîyayîşê mîtînî veng da û waşt ke wa şarê Amed sey Newroze vejîyo meydanan û vera zulmkaran vengê xoverdayîşî berz bikero, vajo ma tîya de yê estê xover danê û do ser bikewê.
